අපේ
හවුල්කරුවන්
SEDR ව්‍යාපෘතියට අරමුදල් සැපයීම යුරෝපා සංගමය වෙතිනි. එම ව්‍යාපෘතිය ක්‍රියාවට නංවනුයේ ආසියානු පදනම සමග හවුල්කාරිත්වයෙන් යුතුව බ්‍රිතාන්‍ය කවුන්සිලය විසිනි.
හවුල්කරුවන්.
.png){kind=logo}
Funded by the
European Union
ව්‍යාපෘතිය තුළින් සිදුකරනුයේ
SEDR යනු, බ්‍රිතාන්‍ය කවුන්සිලය (British Council) විසින් ක්‍රියාවට නංවනු ලබන, වසර හතර (2020-2024) ක ව්‍යාපෘතියකි. සිවිල් සමාජ කටයුතු වල නිරතවෙමින් සහ ඇතුළත් පුරවැසි කටයුතු වලට දිරිදෙමින් එකී කටයුතු වලට සහය දෙන බ්‍රිතාන්‍ය කවුන්සිලයට දශක ගණනාවක අත්දැකීම් සහිත දිගු ඉතිහාසයක් ශ්‍රී ලංකාව තුළ ඇත. SEDR හි ප්‍රතිපල ලැබීමට ඉලක්ක කෙරෙන ක්ෂේත්‍ර 3 සහ 4 ක්‍රියාවට නැංවීමෙහි නායකත්වය දරනු ලබන්නේ බ්‍රිතාන්‍ය කවුන්සිලය විසිනි.
ආසියානු පදනම (The Asia Foundation) සමග හවුල්කාරිත්වයෙන් යුතුව SEDR කටයුතු කරනු ලබන්නේ, ආරවුල් නිරාකරණ විකල්ප ක්‍රමවේදයන් වශයෙන් මැදිහත්වීම් දිරිගන්වන අධිකරණ අමාත්‍යාංශය වෙත ආසියානු පදනම විසින් පුරා වසර ගණනාවක් ලබාදී ඇති තාක්ෂණික සහය මත විශ්වාසය තබමිනි. SEDR හි ප්‍රතිපල ලැබීමට ඉලක්ක කෙරෙන ක්ෂේත්‍ර 1 සහ 2 ක්‍රියාවට නැංවීමෙහි නායකත්වය දරනු ලබන්නේ ආසියානු පදනම විසිනි.
යුරෝපා සංගමය විසින් අරමුදල් සපයනු ලබන SEDR ව්‍යාපෘතිය යනු, ශ්‍රී ලංකාව තුළ ක්‍රියාත්මක කෙරෙන ප‍්‍රතියෝජනය, ප්‍රතිසන්ධාන සහ සියලුදෙනාගේ ප්‍රජාතන්ත්‍රවාදී මැදිහත්වීම ශක්තිමත් කිරීමේ’ (STRIDE) වැඩපිළිවෙළට අයත් එක් අංගයකි.
සිවිල් සමාජ සංවිධාන හවුල්කරුවන්
ඒ ඒ පළාත් වල සිවිල් සමාජ සංවිධාන සමග හවුල්කාරිත්වයෙන් යුතුව කටයුතු කරන්නට SEDR අදහස් කරනුයේ, අදාළ පළාත්වල ප්‍රජාවන් වෙත ළඟාවීමට සහ ආරවුල් නිරාකරණයේ විකල්ප සවිමත් කිරීම වෙනුවෙන් දරන නොයෙකුත් වෑයම් සහ සිදුකරන වැඩපිළිවෙල වෙත සහය ලබාදීමටය.
ආයතනයික හවුල්කරුවන්
ප්‍රතිපත්ති මට්ටමින් අපගේ කටයුතු වඩාත් හොඳින් සිදුකිරීම පිණිස රජයේ ආයතන කිහිපයක් සමග සමීප සබඳතාවකින් යුතුව ක්‍රියා කිරීමට ද අප පියවර ගෙන ඇත. එහිදී, අධිකරණ අමාත්‍යාංශය, රාජ්‍ය සේවා අමාත්‍යාංශය, අධ්‍යාපන අමාත්‍යාංශය, තරුණ සේවා කටයුතු අමාත්‍යාංශය සහ කාන්තා කටයුතු අමාත්‍යාංශය වැනි රාජයේ ආයතන මූලිකත්වය ගෙන කටයුතු කරමින්, ආරවුල් නිරාකරණයෙහි විකල්පයන් සහ මැදිහත්වීමේ සේවාවන් සැකසීම උදෙසා සහක්‍රියාවෙන් සහය ලබාදිය හැකි ආකාරයන් විමසා බලනු ඇත.