2023 වසරේ නොවැම්බර් මස මැදදී ආරම්භ වූ සමථ මණ්ඩල කොමිෂන් සභාවේ පාසල් සමථකරණ වැඩසටහන යටතේවූ පුහුණුකරුවන් පුහුණුකිරීමේ සැසි නිල වශයෙන් අවසන් විය! දෙවන සැසිවාරය දෙසැම්බර් මස මුලදී අවසන් වූ අතර තුන්වන සැසිවාරය මාසයේ මැද භාගයේදී අවසන් විය.
සතියක කාලයක් පුරා පැවති සෑම සැසියක්ම MAS තුල්හිරිය පුහුණු මධ්‍යස්ථාන පරිශ්‍රයේ සමථ වැඩසටහන් නිලධාරීන්ගේ සහ සංවර්ධන නිලධාරීන්ගේ ක්‍රියාකාරී සහ කැපවීමෙන් යුතු සහභාගීත්වයෙන් සිදුවිය. SEDR ව්‍යාපෘතියේ ප්‍රවීණ උපදේශකවරුන්ගේ පන්නරයෙන් පාසල්වල ආරවුල් නිරාකරණයට මංපෙත් විවර කිරීම සඳහා ගුරුවරුන් සහ සිසුන් පුහුණු කිරීම සඳහා අවශ්‍ය හැකියාවන් නිලධාරීන්ට ලැබුණි. මෙම නිලධාරීන් විසින් SEDRහි ඉලක්කගත පළාත් තුනෙහි (උතුරු, නැගෙනහිර සහ ඌව) සහ බස්නාහිර පළාතේ පාසල්වල මෙම සැසිවාර හරහා ලබාගත් කුසලතා සහ පාඩම් බෙදාහදා ගනු ඇත.
දෙවන සහ තෙවන පුහුණු සැසිවල විශේෂ අවස්ථා සඳහා පහත ගැලරිය නරඹන්න!
SEDR ව්‍යාපෘතිය මගින් සම්බන්ධීකරණය කෙරෙන පාසල් සමථකරණ වැඩසටහන යටතේ තෝරාගත් පාසල්වල ගුරුවරුන් සහ සිසුන් පුහුණු කිරීමේ මීළඟ අදියර මෙම වර්ෂයේදී නැවත ආරම්භ කෙරේ. නව යාවත්කාලීනකිරීම් සඳහා රැඳී සිටින්න!
ความคิดเห็น